今朝返左保一練中文 oral ...
今次既 partners 有 : 朱腸 + jelly + may + 敏儀 =]

由於太曬既關係 ... 我選擇左搭車 ( 19M )
行路減肥既問題 ,,, o係呢一刻已經被遺忘 -_-
見到阿 may 上車 ... 不過佢坐最前排 ... 見唔到我 ~
所以我都係落車之後先 hi 返佢 ~

返到學校喇 ... 朱腸走左去教員室搵張 sir ...
阿 sir 叫我地去 library 坐住等佢 =﹏=
同伴們 isolate 左我 ...
要我一丁友坐一邊 ~ 佢地坐晒另外o個邊 ...
結果阿 sir 坐左o係我隔離 ... high pressure *0*

o係預備時間內 ... 我部手提突然響左 ... 係秦小姐 ~
成個 library 都充斥住方大同把聲 ................... 好 火羅 !
好在冇做訓導既朋友出現姐 ...

討論正式展開 ... 唔知自己 up 乜 ...
有 d 想放棄 ... 成日想講野都爭唔到 =_=
最慘我只係 tune 左部手電去 "震動" ,,, 而唔係 "無鈴無震" ...
但係討論期間唔可以o係裙袋抽部野出來 ~ 
結果個手提不斷咁震住我隻腳 ... 幾分鐘震一次 ... 痺左 -.-

練完之後就散 band ... 朱腸極速狂奔 XD
因為佢陣間要見四份工 ... 加油啦 >u<
阿 may 呢個下晝就真係要考 CE oral 喇 ...  都要 add oil !

返到屋企 hea 左陣 ... 就去左匯豐開戶口 ... 
唔講唔知 ... 原來要搞成 15 mins ...
個 counter service officer 仲要 "好好" 禮貌 ... 咩樹 ?!
我差 d 以為佢先係客人 @n@

Thursday, May 24, 2007

尋晚好夜先訓 ... 因為要追睇返數集 "喪 do 男" ...
leo 生真係好犀利 !!! 洗馬桶都要試 ~

今朝訓到 10:30 先起身 ...
其實原本仲想訓晏 d >"<
不過又要過海幫阿三手 ~
所以冇得拖 ... 要即刻爬起身 !

搭三條一去到金鐘 ... 一落車就見到綠 van 56 離我地不遠 ...
結果要同老豆o係條馬路邊 ( 踩住雙黃線 ) 亡命追小巴 ...

其實咁 "靚" 既野我地都唔想做 ...
但係奈何 56 要成 15 mins 先有一班 ...
而且我地已經俾原定時間遲左 ...
再遲只會俾阿三炮轟 ~
不過小巴上既乘客好似歧視緊我地 @o@

上到阿三度 ... 今次冇文件好執 ...
但係要搬櫃 ... 搬一個 N 咁多年都冇郁過 + 同我差唔多咁高既拍牆櫃去另一個角落頭度 ~
不過有老爸o係度 ... 我同表姐都唔太使出力既 ~V~"

打掃完一大輪之後 ,,, 終於開餐喇 ...
嘩 ... chung's family 極力邀請 ( 威迫 ) 我食左兩碟粉 + 一碗粥 -0-
我飽到郁唔到咁滯 ... 要大字形攤o係張梳化度 !

hea 完之後 ... 就碌落 CWB 既信和 again ...
由於太熱既關係 ~ o係許留山買左杯火麻仁 ...
不過好似冇秦小姐推介o個間咁好飲既 =3=

搞到三點幾 ... 終於 ko 晒所有野 !!!
點解我要強調所有 ? 係因為我已經苦戰左好耐 ...
阿三成日話 ok 喇 ... 結果過多兩日又再 call 我幫手 ...
但係今次阿三終於同我講 :
今次真係係最後一次喇 ... 以後都唔使再上來喇 *0*
我即刻成個人鬆晒 ... 暗喜中 =V=

不過當阿三熄燈鎖門o個一刻 ...
我昅到佢有幾分失落感 ... 始終自己對左 d 文件咁多年 ...
依家要離開 ... 一時間真係好難接受好唔捨得 !

跟住我地就去超市入貨喇 ...
原來阿三鍾情於紅豆雪糕 ... 我一直都唔知 XD"

之後我地搭返 56上阿 女麻 度 ...
架小巴行行下 ( 花園道橋面上斜中 ) ~
車尾突然出煙 ... d 煙霧仲要包圍住個車身 ...
成個車廂一陣 火羅 味 ... 好似燒著左野咁 ...
所有乘客立刻鼓譟 ... 坐我後面既妹妹仲好驚咁捉住媽咪 >﹏<

我地都知o係呢個情況下根本唔可以停車 ... 亦唔可以跳車 =_=
所以見個司機即刻夾住個手提講野 ...
以為佢 call 人幫拖 ... 即刻冷靜返 d ...

點知等左好耐 ... 都未見有人救亡 ...
而個司機只係開返慢少少 ...
我地唯有慢慢等 d 火羅 味散開 ...
阿三話應該係個司機先前踩油踩得太大力 ... 搞到架車出煙 @o@

最終我地都安全抵達阿 女麻 屋企 ...
之後就同阿媽 + 二姑媽一齊落英皇書院會合埋家姐食 dinner ...
但係等左佢都 ok 耐 ... 覺得好怪 ~
因為佢唔係成日遲到既朋友 ( 我先係 ) ...

call 下佢啦 ... 原來佢變左迷途小羔羊 ~
因為假期關係 ... 佢平時行開o個條路封左 ...
不過最尾終於摸返清第二條路 ... 冇事 lu >V<

我地去左一間都幾 up dup 既大排檔度食 ...
小菜唔係咁掂 ... 同埋都唔係平 ... 唔抵食 $n$

食完就同阿媽去佐敦既永安買多對鞋士啤 ...
因為之前o個對鞋始終係街鋪鞋 ...
質地好差 ... 落親雨就 88 o個 d ...

原來佬鞋真係有佢既好處 ...
雖然貴少少 ... 但係好足碼 ...
之前對街鋪鞋我要著 42 先得 ... 嚇死人 lor ~
但係來佬鞋 40 就 ok -.-b 令我重現生機 !

之後同媽子去左松記食甜品 ...
呢間野好生意到唔憂做 ... 星期日先來休息 ...
好在閒日假期照常營業姐 !
而且等位要等 N 咁耐 ... 不過我地兩個人先可以咁快有位 XD 

我終於食到o個個有兩個曲奇雪糕球o係面既幻彩明珠 !!!
真係爆好食 !!! d 生果大大舊 !!! 勁新鮮 ~
正當我陶醉地享受我份甜品既時候 ...
老媽子突然撞我手臂 ... 佢話見到有個做 <東張西望> 既主持坐我地對面張檯 ...
而o個位人兄就係 ........................ 高皓正 !!!!!!!!!!!!!!

我真係差 d 要嘔呢句野出來 :
下 ?! 唔係呀 ~ 又係高皓正 !!! 

點解我一次森美都見唔到 ...
但係就不斷咁見到高生 ???
仲要o係十日內連撞兩次 .......................
佢仲要嗌埋同我同款既甜品 =_=

如果我係佢既 fans ... 一定會開心到失控 ...
不過奈何我唔係佢既粉絲 ... 所以只有驚訝 ... 
但係花師奶似乎幾 buy 高生個樣 ...
仲勁讚佢真人塊面冇咁方 + 瘦 d + 黑 d + 好樣 d etc. ( 無奈中 )

Sunday, May 20, 2007

今朝個天灰濛濛 ... 雨又落到澎澎聲 ~ 好過份 !
我最憎落雨絲濕 + 潮潮濕濕 + 黑鬼蚊蚊既天氣 !
個人本身已經夠灰 ... 連 xanga 都霉到用埋深灰色 ( 係近期先轉左啡紅色 )
我非常唔鍾意同 d 雨水玩遊戲 -______________________-

雖然雨落得好大下 ... 不過因為家姐同我之前應承左阿媽 ~
要補請佢食返餐 mother's day 既飯 ...
所以都係全家出動 ... 去金苑食越南野 =V=

老豆點左咖喱牛腩煲 wor -3-
如果俾 ivy 見到 ~ 我諗佢會暈低 @o@
究竟我係咪一個擁有山東人骨架但又有印度人血統既香港人 ?!

食完野 ,,, 行下 KCP ... 又行下街檔 ...
諗住買對返工鞋姐 ... 唔係咁難呀 ...
行晒成個九龍城 ... 完全冇一間鋪頭係有 40 號既鞋賣 !!!
ok ... 我忍 ~ 怪就怪我隻腳 k 型 ... 有問題 ~

唯有出 MK 睇啦 ~ 希望可以搵到對岩我 size 既鞋 ...
阿媽原本誇張到叫我去 d 大型百貨公司買來佬鞋 ...
但係即使佢地有我 size ... 一定好貴 ...
所以博埋 MK 先啦 ...

我地o係 KCP 等免費 shuttle bus 出太子 ...
等等下突然見到地頭虫 : 廢 jack 出現 ,,,
佢又係要出太子 ... 好似係要搵佢老豆 ~

原來佢阿媽介紹左佢o係一間會計師樓返工 ~
平時就係做下 voucher ... 入下數咁 ~
不過佢悲歎冇乜野做 ,,, 成日要坐o係度發毛 ...
但係其他 accountants 又幫到爆炸 ... 勁大對比

而且佢要出到 wanchai 返工 ...
計日薪 ~ 百靚蚊一日 ...
幫佢計返 ... 一個月真係得二千幾蚊 ...
所以佢話寧願就老麥好過 ~ 做多個月就唔撈咁話 ~

不過佢可以搵到份寫字樓工 ... 都算唔錯 ga 喇 ~
雖然有 d hea ... 人工又奀 ,,, 不過咪當累積下 d 經驗 lor ...
起碼佢都曾經接觸過 d 有關 account 既野 ...

我幫阿三整理文件既時候 ... 都有掂過 voucher 呢類野 ...
但係就冇實際咁了解過 ... 只係知道係一 d 貨單咁大把 ~

一出到 MK ... 就o係聯合度搵到有我 size 既鞋鋪 ...
不過搵晒成間鋪 ... 又要 fit 我個 size + 價錢既鞋就只有一對 ...
都要成 $100 !!! 人地只要細我一兩個碼 ...
就可以買 d $50 有找 ... 又平又靚 ... 又有款既鞋 ~  
點解差一兩個 size ... 待遇就差咁遠 ............................................
阿媽講得岩 ... 我隻腳咁大 ... 係冇得揀款 ga ~ 有我 size 已經要還神 -.-b

跟住我地就繼續行喇 ... 行左去花園街 ...
狂掃 t-shirt ... 老牛 ...
有一間鋪既試身室好型 ~ 係o係佢對上o個幢住宅入面
原來個老細特登租左個單位做試身室 ... 俾 d 客即買即試 *0*

行下行下已經到 6 pm ~ 要走人 ...
因為婆婆生日 ... 今晚成班 lam's family 既人要聚埋一齊食飯 ~
唉 ... 我地差唔多係最遲到既一群 -__________________-"

不過當我一見到咁多親戚 ( 三圍 ... 十幾人@一圍 ) o係樹 ~
老實講 ~ 有 d 頭暈 ... 唔係好知自己做緊乜
只係一來到既時候嗌一嗌佢地 ...
有 d 要諗幾秒先 up 到個名出來 ~ 因為一年先見一次 ...
跟住大家就坐到生卡啦咁遠 ... 零交流零接觸 ="=
各自起筷 ... 各自同自己o個圍既人吹水 ... 好似有 d 古怪 ~ 

但係我唔否定多人 d 就熱鬧 d 呢種感覺 ...
或者其他人就係非常之 enjoy 呢種氣氛 ...
覺得好開心都唔定 ~
況且一年一次 ... 咁難得既聚會 ... 應該要珍惜 ... 係咪 ?!

食完飯就各散東西 lu ,,, 家姐返屋企執拾埋 d 細軟之後就返宿舍 ...
過佢多姿多采既大學生活 ~
而我就繼續發毛 ... 打 xanga ~o~